Македонски
Постојат претстави што се дел од репертоарот. И постојат претстави што се дел од нашата историја. На 9 мај 1947 година, токму со „Кавалерија рустикана“ на Пјетро Маскањи започнува развојот на оперската уметност во Македонија. Речиси осум децении подоцна, ова големо дело повторно е на нашата сцена.
На 11 септември, ве покануваме да ја доживеете приказната за Сантуца, Туриду, Лола и Алфио, приказна во која љубовта, неверството и љубомората водат кон трагедија.
Диригент е маестро Иван Еминовиќ, режијата е на Џандоменико Вакари, а настапуваат солистите, Хорот и Оркестарот на Македонската опера и балет.
„Кавалерија рустикана“ не е само враќање на едно големо оперско дело. Тоа е средба со дел од нашата сопствена оперска историја.
11 септември | 20 часот
Билети
