Македонски
Уметничка средба и отворање на изложбата на Доротеј Нешовски „Тела во трансформација и експериментални мапирања – Булевари“.
Ве очекува средба во која разговорот излегува од рамките на традиционалната дискусија, а движењето и заедничкото истражување стануваат дел од уметничкото доживување!
Средбата е замислена како интерактивно истражување во кое публиката е активен учесник. Движејќи се низ просторот на Институтот заедно со уметникот, посетителите ќе ги откриваат уметничките дела , ќе одговараат на прашања и ќе имаат можност да создадат сопствени мапи.
Преку набљудување, истражување и активно учество, ќе откриваат нови начини на поврзување на уметноста, просторот и секојдневното искуство.
Доротеј Нешовски, кој неодамна се врати од уметничка резиденција во Cité internationale des arts во Париз, ги истражува врските меѓу уметноста, јавниот простор и публиката, со посебен интерес за мапирањето и партиципативните практики.
Разговорот со уметникот ќе го води Изабела Левенска Миљаниќ, основачка на иницијативата Museum of Public Art, посветена на мапирањето на јавниот простор и скулптурното наследство во градот и кураторка на оваа изложба
