Skip to main content

Денеска во МНТ бесплатно „Бели ноќи“, „Мој термин“, „Торонто експрес“ по повод 80-от роденден

Лого на Македонски народен театар

Во чест на кревањето на црвената завеса и првата изговорена реплика пред 80 години, денеска, на 3 април, во Македонскиот народен театар (МНТ) ќе се одржи маратон со следниот распоред: во 10:00 и во 12:00 часот ќе се одиграат двете изведби на детската претстава „Распеана турлитава“.

Од 18:00 часот следуваат „Бели ноќи“, „Мој термин“ од 19:00 часот и „Торонто експрес“ од 21:30 часот. Вратите за публиката ќе бидат отворени, односно билетите ќе бидат достапни гратис, а публиката ќе може да ги подигне на билетарницата на МНТ.

За изведбите на детската претстава, билетите ќе се подигаат на 2 април од 12:00 до 20:00 часот, а за вечерните изведби, на 3 април од 12:00 часот.

Во рамките на 80 години МНТ, на 5 април во 20:00 часот на малата сцена, публиката ќе ја гледа „Поетроника“ во новиот суптилен и културолошки значаен проект на Оливер Митковски и Андреја Салпе што вешто ја спојува современата македонска поезија со електронската музика.

Билетите ќе бидат бесплатни, и ќе се подигнуваат на денот на изведбата.

Поради несреќата во Кочани, МНТ одлучи премиерата на закажаниот спектакл „Сонцето, колку е блиску Сонцето! Made in MNT“ да ја одложи за наесен.

Поврзани вести