На лице место загина сопатник во автомобил кој се заби во бетонски столб во Битола

Едно лице загина, друго е тешко повредено во несреќата што вчера се случи во Битола.

Како што соопшти МВР, во 15.44 часот во СВР Битола било пријавено дека на ул.„Довлеџик“ во Битола, патничко возило „сузуки“ со битолски регистарски ознаки, управувано од Б.К.(54) од Битола, удрило во бетонски столб.

Од здобиените повреди на местото починал сопатникот М.К.(80) од Битола, а смрт констатирал лекар од Итна медицинска помош Битола. Додека, возачот се здобил со тешки телесни повреди, констатирани во Клиничката болница Битола.

Извршен бил увид од јавен обвинител и увидна екипа од СВР Битола.