Човек со прострелна рана во градите пронајден мртов во Прилепско

Со прострелна рана во пределот на градниот кош 68-годишен маж од прилепското село Беровци вчера е пронајден мртов.

Како што информира Министерството за внатрешни работи, случајот бил пријавен на 11 август во 07:33 часот во СВР Битола, кога А.В. од село Беровци го пронашол својот татко С.В. (68) починат во нива во атарот на селото.

Лекар од Итната медицинска помош од Прилеп констатирал смрт.

Во возилото била пронајдена ловечка пушка, со испалена чаура во цевката.

На местото бил извршен увид од надлежните екипи. По наредба на јавен обвинител, врз телото на починатиот ќе биде извршена обдукција, која треба да помогне во утврдувањето на причините и околностите за смртта.