„Кангуто“ се забележува на камерите во Визбегово, „цитроенот“ од позади него, покажуваат снимките од Обвинителство

На снимките кои ги обезбедило Обвинителството од објекти на територијата на Визбегово на патот кон Горно Оризори се забележува движењето на „цитроенот“ и сега и на „рено кангу“.

Во „кангуто“ има едно лице, а три во „цитроенот“.

Во 7 и 49 од камерите се гледа како „кангуто“ оди напред, а „цитроенот“ позади него.

Во 7 и 55 часот од камерите во еден објект за стари возила повторно се гледаат двете возила.

На видео од село Визбегово на кое нема време кога е направено се забележува темен густ чад од местото каде што е запален „цитроенот“.

На денешното рочиште за убиствата на Вања Ѓорчевска и Панче Жежовски се прикажуваат снимки од движењето на возилата со кои е извршено грабнувањето на 14-годишното девојче.