И „кангуто“ на Палчо се возело низ Скопје на денот кога е грабната Вања

Видео доказ на кое се гледа возило „рено кангу“ беше презентиран на денешното рочиште за убиствата на Вања Ѓорчевска и Панче Жежовски.

На снимката се гледа како возилото на 27.11 2023 година во 5:33 часот пристигнува пред седиштето на партијата Десна, се задржува накратко и продолжува кон Автокоманда, а оттаму кон населбата Аеродром. Возилото е забележано и кај хотелот „Русија“ и низ населбата Лисиче.

Овој датум е особено важен бидејќи тој ден е грабната Вања Ѓорчевска.

На снимката не се гледа кој го управува возилото.

Овој автомобил на Десна им го оставил член на партијата кој заминал на Исланд, а најчесто го возел Палевски.