Голем пожар во близина на Сплит

Фејсбук профил на Маријна Пуљак

Ноќеска, малку пред три часот, голем пожар избувна во близина на Јесенице, населба во општина Дуги Рат во Хрватска.

Ова за „Слободна Далмација“ го потврдија од Окружниот противпожарен оперативен центар во Сплит.

Видеата од социјалните мрежи го покажуваат пожарот како се шири на ридот над куќите и пожарникарите како се обидуваат да ги одбранат зградите од пламенот.

Хрватскиот весник наведува дека на терен има 133 пожарникари со 44 возила.