Дачиќ дише самостојно, тргнат е од респиратор

Претседателот на Србија Александар Вучиќ го посети министерот за внатрешни работи Ивица Дачиќ во болницата. Со претседателот беше и министерот за здравство Златибор Лончар.

Министерот за внатрешни работи и претседател на Социјалистичката партија на Србија Ивица Дачиќ, кој беше хоспитализиран на Клиниката за пулмологија на Клиничкиот центар на Србија поради тешка пневмонија, вчера беше исклучен од вештачката вентилација и дише самостојно.

Министерот за здравство Златибор Лончар вчера изјави дека здравствената состојба на Дачиќ е подобра отколку што беше, додавајќи дека постојат причини за оптимизам, но и дека мерките за интензивно лекување и терапија продолжуваат.