Македонски
Црна Гора , откако затвори 23 од вкупно 33 преговарачки поглавја.
Со затворање на поглавјата 1, за слободно движење на стоки, и 12, за безбедност на храната, ветеринарната и фитосанитарната политика на 30-та Меѓувладина конференција во Брисел, Црна Гора затвори 23 од вкупно 33 преговарачки поглавја со Европската унија. Премиерот Милојко Спајиќ најави дека преостанатите десет поглавја треба да бидат затворени до крајот на годинава, со што земјата би ги завршила пристапните преговори, а Договорот за пристапување кон Европската Унија најверојатно ќе биде потпишан во јуни 2027 година.
Премиерот најави уште една меѓувладина конференција кон крајот на ноември, додека декември го означи како особено важен за завршувањето на преговорите.
Ќе продолжиме силно во наредните недели со цел да ги затвориме сите поглавја до крајот на годината, за да биде потпишан Договорот за пристап во јуни и да ја достигнеме историската цел за полноправно членство во 2028 година – рече Спајиќ.
Сепак, завршувањето на преговорите не значи автоматско членство. Пристапниот договор треба да биде потпишан и ратификуван од сите земји членки на ЕУ.
Дополнителен предизвик за Подгорица се нерешените прашања со Хрватска. Загреб претходно постави осум барања, од кои, според хрватскиот премиер Андреј Пленковиќ, две се соодветно решени.
Меѓу преостанатите прашања се обесштетувањето на поранешните затвореници во логорот Морињ, судбината на исчезнатите хрватски државјани, гонењето на воените злосторства и имотните права на хрватските семејства.
Хрватска бара и враќање на школскиот брод „Јадран“, како и решавање на копненото разграничување. Загреб го поддржува членството на Црна Гора во ЕУ, но очекува конкретен напредок во решавањето на овие спорови.
