РК Охрид освои уште еден трофеј

 Ракометарите на Охрид со минимален триумф против Вардар во финалето на турнирот во Струга го одбранија трофејот освоен минатата година. Охриѓани финалето го добија со 31:30.

По натпреварот, тренерот Борис Ројевиќ не го криеше задоволството од прикажаното и вели дека е убаво кога вака ќе се тргне во сезоната.

Одличен турнир за нас, го победивме шампионот. Добро е сезоната да се почне со победи затоа што тоа носи верба во работата и во тимот. Имавме добри 60 минути, добар е триумфот за самодовербата. Сега ни следи турнирот во Охрид, па Регионалната лига, изјави Ројевиќ.

Охрид ја има улогата на домаќин на турнирот што од вторник до сабота ќе се одржува во Охрид, додека со Вардар првиот официјален натпревар сезонава ќе го играат на 2.септември. Тоа ќе биде дуелот од Супер купот во организација на РФМ