Македонски
Емилијан Ѓорговски е ракометар со голем потенцијал, а во новата сезона ќе настапува за Алкалоид. Тој досега беше член на првакот Еурофарм Пелистер, но се реши за промена на средината и ќе бара шанса за ново докажување.
Презадоволен од тоа како сум прифатен од новите соиграчи. Подготовките течат без проблеми, а јас се трудам да го дадам својот максимум на секој тренинг, а потоа и на терен. Со дел од играчите имаме играно заедно во младинската репрезентација, па не беше тешко да се вклопам во тимот. Супер-лигата е поквалитетна секоја нова сезона и има поголема конкуренција. Покрај Вардар, Пелистер и Алкалоид, сезонава засилен е и Охрид. Но, секогаш има и по некое изненадување плус, не смее да се потцени ниту еден тим, изјави Ѓорѓовски
Алкалоид веќе неколку дена е на базични подготовки во Маврово, а првиот официјален натпревар го играат во Лигата Европа – квалификации каде ривал им е бундеслигашот Хановер.
