Македонски
Манчестер Јунајтед беше исвиркан откако загуби со 1-0 во пријателски натпревар против АСЕАН Ол Старс во Куала Лумпур.
„Црвените ѓаволи“ патуваа повеќе од 10.000 км за да одиграат два натпревари во Азија само неколку дена по завршувањето на сезоната во Англија. На нивната прва посета на Малезија од 2009 година, тие играа пред повеќе од 72.000 навивачи, но ги оставија навивачите разочарани.
-Откако сум во клубот, секогаш се чувствував виновен за перформансите на тимот. Свиркањето може да биде нешто што ни треба бидејќи секој натпревар што го изгубивме во Премиер лигата, навивачите беа зад нас. Да видиме дали тоа ќе биде случај и следната сезона, рече Рубен Аморим по натпреварот.
Португалецот одби да потврди дека клубот ќе го потпише Матеус Куња од Вулверхемптон.
-Мора да почекате. Немам вести. Ќе видиме, но ќе има некои промени, додаде Аморим.
