Гвардиола не се откажува од титулата

Тренерот на Манчестер сити, Хосеп Гвардиола ја коментираше победата над Астон вила во 34. коло од Премиер лигата.

Натпреварот се одигра синоќа и заврши со резултат 2:1 во корист на граѓаните. 

Сити ја обезбеди победата во 90+4. минута од натпреварот благодарение на голот на Матеус Нунес.

– Многу сум среќен. Ни претстојат последните четири натпревари од сезоната и се бориме за Лигата на шампионите. Ако победиме во следните четири натпревари, тогаш најважното прашање ќе биде решено за нас. Не е потребна генијалност за да сфатиме дека Сити играше со Астон вила, еден од најдобрите тимови. Ова е извонреден тим, но ние настапивме со истата посветеност како до сега, рече Гвардиола по натпреварот.

Манчестер сити има 61 бод и се наоѓа на третото место на табелата во англиската Премиер лига.

Следниот премиерлигашки натпревар на Сити е во петок на 2 мај против Вулверхемптон.