Македонски
Македонскиот продуцент и диџеј Хејз (Haze), познат на јавноста како Ненад Тодоровски, го претстави својот нов сингл „Ashes“, кој беше официјално објавен на 7 октомври 2025 година преку меѓународната издавачка куќа Future House Cloud.
„Ashes“ е седмиот сингл од претстојниот албум „Afterlife“, со кој Хејз продолжува да го гради својот препознатлив звук што спојува емоција, енергија и современа електронска продукција. Пред овој сингл, публиката веќе имаше можност да ги слушне темите „Afterlife“, „Stargazing“, „Heaven“, „Сенки“, „Ode of Joy“ и „Hide“.
Музиката, текстот и аранжманот на песната се дело на Ненад Тодоровски, а вокалот го изведува талентираната Јована Лалчевска, која со својот препознатлив глас му додава длабочина и емоционална сила на синглот.
Во својата кариера, Хејз има издадено повеќе од 20 синглови и ремикси, а соработувал со бројни домашни и меѓународни артисти, меѓу кои се Бобан Апостолов (naBBoo), Brass Brothers, Cyrillic, Galoski, Iwayo, Викторија Лоба и многу други.
Со „Ashes“, Хејз уште еднаш потврдува дека е еден од најконзистентните и најкреативните имиња на македонската електронска сцена, оставајќи свој белег со секое ново издание.
