„Зелената граница“ во режија на Агњешка Холанд вечерва во Кинотека

Во Кинотека на Македонија, вечерва, со почеток во 20:00 часот, ќе имате можност да го погледнете играниот филм „Зелената граница“.

Во мочуришните шуми кои ја сочинуваат т.н „зелената граница“ меѓу Белорусија и Полска, заробени се бегалци од Блискиот Исток и Африка, кои се обидуваат да стигнат до Европската Унија. Во обид да ја испровоцираат Европа, бегалците се намамени до границата со пропаганда која ветува лесен премин во ЕУ. Како пион во скриена војна, испреплетени се животите на активистката Јулија, која се откажа од својот удобен живот, младиот граничар Јан и сириското семејство.

Сочувствителниот филм на Агњешка Холанд за дехуманизирачкиот третман на бегалците на границата меѓу Белорусија и Полска го испитува европскиот одговор на мигрантската криза со сета нејзина сложеност и неправда.

Филмот е номиниран за неколку европски филмски награди и премиерно прикажан во Венеција, каде што ја доби Специјалната награда на жирито.

Возрасна категорија: 16 години

Влезница: 150 денари

„ЗЕЛЕНАТА ГРАНИЦА“

(„Zielona granica“)

Игран филм, Франција, Белгија, Полска, Чешка

2023, 152 мин., Колор, ДСП

Режисер: Агњешка Холанд (Agnieszka Holland);

Сценарио: Мачеј Писук, Габриела Ларкјевич Сјечко, Агњешка Холанд (Maciej Pisuk, Gabriela Łazarkiewicz-Sieczko, Agnieszka Holland);

Улоги: Џалал Алтавил, Маја Осташевска, Томаж Влосок, Бехи Џанати Атаи (Jalal Altawil, Maja Ostaszewska, Tomasz Wlosok, Behi Djanati Atai);