Македонски
Годинешното издание на МакеДокс носи возбудлива програма во неколку категории, но она што е најважно е дека фокусот годинава се поставува на Австрија, земја покрај зелените Алпи и убавиот син Дунав која заслужува да се запознае и по документарната сцена која си го наоѓа местото на речиси сите светски познати документарни фестивали.
Категоријата „Австрија – земја во фокус“ претставува осум филмови со посебен сензибилитет.
Ќе може да ги погледнете Cozy Shop, Darwin’s nightmare, Matter out of place, The second life of burned threes, Vista Mare, Cleaning & Cleansing, Favoriten, Everyone deserves a slice of the pie. Станува збор за препознаени филмови кои се наградувани низ филмските фестивали низ светот со потврдена естетска вредност низ различни тематики.
Категоријата „Нови автори“ пак, ќе ги претстави филмовите: Договор на девет месеци, Секоја ноќ во сонот ми расте дрво, Фиуме или смрт, Дупла беља, Стакло, мојот неисполнет живот, Ниедна друга земја, Само на земјата, Тивки набљудувачи и Тата.
