Продолжува потрагата во Вардар по 16 годишното девојче

Потрагата по 16 годишното девојче продолжува и утринава откако вчера попладнето таа потонала во водите на Вардар во близина на селото Уланци, Општина Градско.

Потрагата беше прекината доцна вечерта откако повеќе немаше услови за нејзино одвивање. На терен се специјални тимови, полициските „Тигри“ и армиските „Волци“, како и екипи на ДЗС.

ЦУК вчера попладне добил пријава за две потонати женски лица, на возраст од 16 и 26 години, во Вардар.

Пријавата била поднесена од лице присутно на местото на настанот – сестра на 16-годишното девојче – која, во видно вознемирена состојба, побарала итна помош.

Екипите кои излегле на терен, жива ја пронајдоа и извлекоа 26-годишната жена.