Македонски
Откако ќе ги искористите цветовите од брокулата за готвење, често се прашувате што да правите со стеблото. Со нив може да направите песто од наут и стебленца од брокула.
Неговата популарност е неспорна, а некои дури го сметаат пестото за еден од најдобрите сосови.
Состојки:
- 1 стебло од брокула (околу 110 грама исчистено)
- 240 грама наут од конзерва
- 1 чешне лук
- 3 лажици маслиново масло, сол
- исцеден сок од ½ лимон
- 2 лажички потпечен сусам
Подготовка:
Отстранете го тврдиот надворешен слој од стеблото на брокулата. Исечете го излупеното стебло на парчиња и сварете го во солена вода. Откако ќе се свари, исцедете го и веднаш изладете го во ладна вода.
Во исцедениот наут додајте ги свареното стебло од брокула, исецканиот лук, маслиновото масло, лимонот и сусамот. Посолете по вкус, а потоа сè заедно изблендирајте со рачен блендер за да добиете песто.
Користете го пестото како намаз за сендвичи или крекери, како додаток, или како прелив за салати со тестенини.
Совет:
Чувајте го пестото во фрижидер сè додека не биде подготвено за сервирање. Може да се чува неколку дена.
