Македонски
Илјадници Авганистанци се преселиле во Велика Британија како дел од тајна шема воспоставена откако нивните лични податоци „протекоа“ во јавноста по грешка на британски функционер, објави Би-Би-Си утрово.
Протекувањето на податоците се случило во февруари 2022 година, кога речиси 19.000 лица, кои аплицираа за преселување по пристигнувањето на талибанците во Авганистан, станаа достапни онлајн.
Владата дозна за инцидентот во август 2023 година кога податоците станаа достапни на социјалните медиуми.
Девет месеци подоцна, беше воспоставена нова програма за преселување за оние чии имиња се најдоа на списокот на Авганистанци за кои протекоа податоците, а досега 4.500 од нив пристигнаа во Велика Британија.
Протекувањето на податоците, вклучувајќи имиња, информации за контакт и семејни податоци, предизвика загриженост за можните последици по безбедноста на засегнатите лица.
Министерот за одбрана, Џон Хили, се извини за пропустот, објаснувајќи дека протекувањето е резултат на испраќање табела преку небезбедни системи за е-пошта.
Метрополитан полицијата во Лондон одлучи дека не е потребна истрага, но официјалните лица предупредуваат за можна инфилтрација на талибанците.
Според прелиминарните проценки, бројот на лица кои се изложени на ризик од талибанците може да биде помал од првичното стравување.
Програмата за преселување, позната како „Авганистанска рута за преселување“, досега чинеше 468 милиони евра, а вкупните трошоци би можеле да достигнат 936 милиони евра.
Забраната за известување на медиумите за инцидентот предизвика критики за загрозување на слободата на говорот.
Судија на Високиот суд одлучи да ја укине забраната, откривајќи детали за протекувањето на информациите и одговорот на владата.
