Путин му се пожали на Папата дека Зеленски сака војната да ескалира

Во телефонски разговор со папата Лав XIV, рускиот претседател Владимир Путин изјави дека Украина сака да го ескалира конфликтот и да врши саботажи на руска територија, соопшти Кремљ.

Владимир Путин особено го привлече вниманието на фактот дека режимот во Киев се обложува на ескалација на конфликтот и врши саботажа против објекти на цивилна инфраструктура на руска територија“, се наведува во соопштението.

Во соопштението се додава дека Путин истакнал дека намерниот и целен напад врз цивили извршен од Украина е класифициран како терористички чин според меѓународното право.

Кремљ објави дека Путин го информирал папата за договорите постигнати на преговорите во Истанбул, вклучително и размена на воени заробеници.

Владимир Путин и папата Лав XIV денеска остварија свој прв телефонски разговор.

Во соопштението се вели дека Путин и папата Лав се согласиле дека Русија и Ватикан ќе ги зајакнат врските засновани на духовни вредности и ќе ја продлабочат соработката во заштитата на христијаните, особено на Блискиот Исток