Москва гледа сериозен обид на американската администрација да реши низа прашања, вели руската страна од средбата во Ријад

Москва гледа сериозен обид на американската администрација да реши низа прашања, внимателно следејќи ги нејзините изјави за украинските прашања.

Ова е прва изјава на руското Министерство за надворешни работи по првиот дел од разговорите во Ријад.

Како што е најавено, на крајот од состанокот кој треба да заврши денеска, се предвидени изјави на лидерите на средбата Лавров и Марко Рубио

Да потсетиме дека делегациите од Русија и САД денеска одржуваат состанок во Ријад, Саудиска Арабија на кој се договора да отпочнат преговорите за Украина, изјави помошникот на рускиот претседател Јуриј Ушаков, кој е дел од руската делегација.

На преговорите во Ријад присуствуваа руски и американски делегации, а Украинците не беа поканети.

Преговарачкиот тим на Путин во Ријад се состои од: Сергеј Лавров, руски министер за надворешни работи и Јуриј Ушаков, помошник на рускиот претседател.

Американскиот тим во Ријад ги вклучува државниот секретар на САД Марко Рубио, Стив Виткоф, специјален пратеник на Трамп за Блискиот Исток и Мајк Волц, советник за национална безбедност.