Kaков нов тандем: Дончиќ и Леброн

Лејкерс и Маверикс предизвикаа возбуда во НБА, откако ЕСПН во неделата рано наутро објави дека тимовите завршиле со трејдот со кој Лука Дончиќ ќе биде испратен во Лос Анџелес, а Ентони Дејвис во Далас.

Покрај трејдот во кој се вклучени двете ѕвезди, Лејкерси се согласија да ги добијат Макси Клебер и Маркиф Морис, додека Маверикс ќе го добијат Макс Кристи и пик од првата рунда на драфтот во 2029 година, според извештајот.

ЕСПН објави дека Јута Џез, исто така, се вклучени во трејдот и ќе добијат Џејлен Худ-Шифин и два пика од втората рунда на овогодинешниот драфт.

Дончиќ (25) брзо стана еден од најпродуктивните играчи во НБА од неговото доаѓање во 2018 година. Словенецот имаше просек од 28,1 поен, 8,3 скока и 7,8 асистенции во 22 натпревари (сите стартови) сезонава, но на натпреварот помеѓу Далас и Минесота на крајот на декември се повреди и се уште не се вратил на теренот.

Дејвис (31) девет пати беше селектиран во Ол-стар тимот, а оваа сезона во 42 натпревари (сите стартови) има просек од 25,7 поени, 11,9 скока, 3,4 асистенции и 2,1 блокади