Македонски
Триесет и едногодишен државјанин на Мексико е уапсен во Скопје, откако одбивал да се легитимира, се однесувал агресивно и физички нападнал полициски службеник.
Според информации од МВР, инцидентот се случил на 19 септември во 21:00 часот, во парк во Ѓорче Петров, каде што се одржувала манифестација.
Полициски службеници од СВР Скопје го лишиле од слобода Х.И.Б.Л. (31) од Мексико, откако тој одбивал да се легитимира и се однесувал агресивно. Потоа, додека полицаецот извршувал службени дејствија, го нападнал физички и со тврд предмет.
При преземените мерки било утврдено дека 31-годишникот бил под дејство на алкохол. Кај него биле измерени 2,30 промили алкохол во крвта.
Од МВР информираат дека по целосното документирање на случајот ќе следува соодветна пријава.
