Перински од Штип: Со инвестиција од 109 милиони евра проектот добива значително поширок опфат и претставува стратешко вложување во иднината на македонското здравство

Заедно со министерот за здравство д-р Сашо Клековски, градоначалникот Иван Јорданов и претставниците од Светска банка, ја посетивме Клиничката болница во Штип, каде го разгледавме новиот концепт за реализација на еден од најзначајните капитални проекти во македонското здравство, напиша Златко Перински директорот за ФЗОМ.

Со инвестиција вредна 109 милиони евра, проектот добива значително поширок опфат и претставува стратешко вложување во иднината на македонското здравство. Новиот концепт не се однесува само на изградба на болнички капацитети, туку предвидува развој на современ здравствено-образовен комплекс кој ќе обезбеди подобри услови за лекување, едукација во областа на медицината и понатамошен развој на здравствениот систем.

Овој проект е значаен затоа што создава услови здравствените услуги да се организираат подобро, а капацитетите на здравствениот систем да се користат поефикасно.