Бич филм фестивал од 21 до 26 јули на пет локации во Охрид

Деветтото издание на Фестивалот на нов европски филм Beach Film Festival ќе се одржи од 21 до 26 јули 2026 година на пет локации во Охрид.

Во текот на шесте фестивалски дена, публиката ќе има можност да проследи избор на нови европски филмови, како и дополнителна програма со работилници, разговори и музички настани.

Фестивалот и годинава ќе го поврзе современиот европски филм со препознатливата летна атмосфера на Охрид, носејќи проекции и културни содржини на повеќе локации низ градот.

Beach Film Festival е посветен на промоција на нови автори, свежи филмски приказни и современи европски продукции, а деветтото издание ќе понуди програма наменета и за филмските професионалци и за пошироката публика.