Македонски
Конечно се отвора нова перспектива за македонската филмска индустрија и туризмот!, напиша на својот фејсбук профил министерот за култура, Зоран Љутков.
Владата го усвои Предлог-законот за игри на среќа и забавни игри, со кој повторно се враќа финансиската поддршка за филмот – чекор што може да значи вистинска ренесанса на македонската кинематографија.
Со новите законски измени:
3% од давачките од игрите на среќа ќе се одвојуваат за Агенцијата за филм -БЕЗ ограничување на висината на средствата на годишно ниво
Ќе се обезбедат повеќе средства за домашни филмови, серии и млади автори
Ќе се поддржат нови сценарија, дебитантски проекти и детски филмски содржини
Ќе се развива кино мрежата и македонската аудиовизуелна индустрија
4% ќе се издвојуваат за развој на туризмот, исто така без ограничувања
Ова значи повеќе македонски филмови, поголема меѓународна конкурентност и силен поттик за културниот и економскиот развој преку филмот, а со тоа и поголема промоција на Македонија како филмска и туристичка дестинација!
Филмот и туризмот заедно можат да станат еден од најсилните мотори на македонската економија, преку промоција на нашите природни убавини, култура, традиција и уникатни локации пред целиот свет.
Македонија има приказна што вреди да се раскаже и време е светот да ја види!
