Се сеќавате на Клајверт, сега е селектор на Индонезија

Патрик Клајверт е назначен за селектор на репрезентацијата на Индонезија, објави фудбалскиот сојуз на оваа земја на својата официјална веб-страница.

Холанѓанецот потпиша договор до крајот на 2027 година, со опција за продолжување. 

Во новата работа на Клајверт ќе му помагаат помошниците Алекс Пастор и Дани Ландзат од Холандија. Во стручниот штаб ќе има и двајца индонезиски специјалисти.

Последното место на работа на 48-годишниот Клајверт беше турската Адана Демирспор.