Авион од Приштина излетa од писта во Истанбул – сите патници безбедни

Авион на рутата Приштина–Истанбул вчера излетал од пистата по слетувањето на аеродромот „Сабиха Гокчен“ во Истанбул. Инцидентот се случил кога леталото, по приземјувањето, наместо да продолжи по патеката за рулирање, излегло на мека земјена површина и застанало на крајот од пистата.

Амбасадата на Косово во Турција информира дека нема повредени патници ниту членови на екипажот.

„Авион на AJet, тип Boeing 737-800, кој оперирал на летот TKJ76Q / VF102 од Приштина до Истанбул, по слетувањето излетал од патеката за рулирање. Сите патници се евакуирани безбедно преку надворешни скали, без потреба од активирање на итните лизгалки. Нема пријавено повредени и патниците го продолжија патувањето кон своите дестинации“, соопшти амбасадата.

Од компанијата AJet дополнително појаснија дека слетувањето било регуларно, но поради обилни врнежи од дожд авионот при маневрирањето излетал на мека земјена подлога.

Турските власти работат на расчистување на локацијата и утврдување на причините за инцидентот.

Веста беше споделена и на платформата X, каде беше објавено:
„AJet 737-800 излетал од пистата при слетување на аеродромот ‘Сабиха Ѓокчен’. Во моментот имало силни врнежи. Сите патници од летот VF102 од Приштина биле безбедно евакуирани.“

AJet 737-800 veers off the runway after landing at Istanbul's Sabiha Gokcen International Airport. There was heavy rainfall in the area at the time of the incident.

All passengers on board flight VF102 from Pristina were safely evacuated from the aircraft.

One of the runways… pic.twitter.com/tA5ueUkHzA

— Breaking Aviation News & Videos (@aviationbrk) December 7, 2025