Фолтин го одбележуваат јубилејот со концерт во Филхармонија на 22 ноември

Групата Фолтин, едно од највпечатливите и најоригинални имиња на македонската алтернативна сцена, на 22 ноември 2025 ќе го одбележи својот голем јубилеј — 30 години постоење — со концерт во салата на Македонската филхармонија. Настанот, организиран од МГ Мјузик Продукција, претставува ретка можност публиката да го доживее препознатливиот свет на Фолтин во еден од најпрестижните концертни простори во земјата.

Триесетгодишната кариера на Фолтин опфаќа десетина студиски албуми и впечатлив број соработки во театарот и филмот. Тие имаат потпишано музика за повеќе од триесет театарски претстави, но и за значајни македонски филмски проекти како „Плати и жени“, „Со љубов“, „Исцелител“ и интернационално наградуваниот документарец „Медена земја“. Овој богат опус ја потврдува нивната важна улога во современата македонска култура, но и способноста нивната музика да живее надвор од концертната сцена.

Актуелниот состав на Фолтин го сочинуваат: Пеце Николовски – кларинет, каос-пад, усна хармоника;Пеце Трајковски – електронски акордеон, електрична гитара; Гоце Јованоски – бас; Славчо Јовев – тапани и Бранислав Николов – вокал