Македонски
По информацијата дека на еден од пациентите кои настрадаа во пожарот во Кочани на 16 март, кога загинаа 59 лица од кои 6 деца, а околу 200 се повредени од кои 25 деца, на социјалните мрежи лица нудеа донација на кожа. Примариус д-р Јасмина Ѓоргиевска – Павловска, директорка на Клиниката за пластична и реконструктивна хирургија во изјава за „Република“ вели дека такво нешто не е потребно, бидејќи најчесто кај пациентите се пресадува сопствена кожа.
За трансплантација на кожа ние најчесто ги користиме автологните графтови, односно се зима кожа од самиот пациент, доколку е тоа возможно. Кај овие изгореници, кај овие пациенти, не се многу екстензивни, не се во голем процент, туку се 10, најмногу 20 отсто. Но, проблемот е што е тој длабок степен, втор Б и трет степен, каде што ја зафаќаат скоро целата дебелина на кожата. Овде, во зависност од тоа за кој третман ќе се одлучиме, дали примарно ќе се пресадува кожа или одложено, и двата третмани се по светските стандарди и протоколи на Светското здружение за изгореници. Сите ние, докторите, работиме по овие протоколи на Светското здружение за начинот и типот на лекување на изгорениците, вели д-р Ѓоргиевска – Павловска.
За понудата на разни масти, балзами и кремови за изгореници, д-р Ѓоргиевска – Павловска предупредува пациентите да бидат многу внимателни и апелира тие да преврзуваат во здравствени установи.
Тие балзами постоеле и претходно. Сме лекувале пациенти кои користеле такви масти со кои потоа се се продлабочувала изгореницата. Со вакви и слични кремови се случува да се јават локални инфекции. Пациентите ги користат извесно време, раната не зараснува, и кај доаѓаат на Клиниката во многу потежок стадиум. Сите изгореници е најдобро уште на почеток да се лечат во здравствени установи каде што има соодветна терапија, преврски, лекови, вели директорката на Клиниката за пластична и реконструктивна хирургија.
Пациентите оваа година не смеат да излегуваат на сонце. Мора да користат заштитна крема со фактор 50, капа задолжително, дури и ракавици кај пациентите кои имаат изгореници на горните екстремитети, додава д-р Ѓоргиевска – Павловска
