Македонски
Со вашите години, губењето на тежината и одржувањето на вашата тежина станува сè потешко поради природното забавување на метаболизмот и промените што доаѓаат со стареењето.
Иако забавувањето на метаболизмот е нормално, можно е да се ублажи ефектот со промени во исхраната. Експертите за здравје и исхрана наведоа неколку намирници што луѓето над 40 години треба да ги избегнуваат бидејќи дополнително го забавуваат метаболизмот. Еве за што предупредуваат.
Бел ориз
Белиот ориз содржи помалку влакна, што го отежнува регулирањето на шеќерот во крвта и може да поттикне прејадување.
Консумацијата на бел ориз треба да се сведе на минимум. Му недостасуваат влакна и хранливи материи, што резултира со повисок гликемиски индекс или брзо зголемување на шеќерот во крвта. Со текот на времето, ова придонесува за инсулинска резистенција и воспаление. Наместо тоа, им советувам на пациентите да избираат интегрални житарки, кои обезбедуваат влакна и со тоа постабилен одговор на шеќерот во крвта, објасни лекарот д-р Кубањич Такирбашев за „SheFinds“.
Маргарин
Некои маргарини содржат транс масти и други нездрави масти кои го поттикнуваат воспалението, а хроничното воспаление е поврзано со метаболички проблеми.
Маргаринот и другата пржена храна содржат транс масти, за кои е познато дека го зголемуваат лошиот холестерол (LDL) и го намалуваат добриот холестерол (HDL). Оваа нерамнотежа може да доведе до атеросклероза, состојба што значително го зголемува ризикот од срцеви заболувања. Внимателното читање на етикетите и избегнувањето на производи со ‘делумно хидрогенизирани масла’ може да помогне во намалувањето на внесот на транс масти“, вели нутриционистката Јохана Ангман.
Преработено месо
Преработените производи како што се колбаси, сланина и салама често содржат адитиви, конзерванси, нитрити и големи количини на натриум, што може негативно да влијае на метаболизмот и да го поттикне зголемувањето на телесната тежина.
„Колбасите, сланината и виршлите се богати со заситени масти и натриум. Тие често содржат конзерванси како нитрати, кои го нарушуваат метаболичкото здравје и водат до зголемување на телесната тежина“, истакнува нутриционистката Емили Џонсон.
Растителни масла
Одредени растителни масла може да содржат скриени транс масти или делумно хидрогенизирани масла.
Транс мастите и хидрогенизираните масла се познати по тоа што предизвикуваат проблеми со срцето, како што се висок холестерол и, на долг рок, затнати артерии“, предупредува диететичарката Џил Монгене.
Регистрираниот диететичар Џеј Кауин се согласува, заклучувајќи: „Универзитетот во Калифорнија вели дека не е здраво да се користи растително масло бидејќи е составено од 80 проценти масти и 20 проценти протеини, што значи дека е претежно заситено масно масло. Исто така, содржи само траги од хранливи материи, па затоа готвењето со ова масло не дава голема корист.“
