Македонски
Измамата која користи вештачка интелигенција (АИ) и цели на речиси две милијарди корисници на Gmail е означена како исклучително штетна за жртвите.
Безбедноста на нашите податоци станува сè попредизвикувачки проблем во светот каде што е доволен само еден погрешен клик за нашите уреди и лозинки да завршат во рацете на оние кои сакаат да ја искористат нашата ранливост.
Без разлика дали станува збор за кражба на идентитет или целосно празнење на банкарски сметки, жртвите остануваат шокирани кога сфаќаат дека станале цел на софистицирана измама што не ја забележале.
Сајбер-криминалците сега користат вештачка интелигенција за да создадат убедливи телефонски повици, а потоа да испраќаат лажнa е-пошта што изгледа дека доаѓа од Гугл. Според измамата, по повикот, корисниците се известуваат дека ќе добијат е-пошта со линк кој води до лажна страница на Гугл. Со кликнување на таа врска, измамниците можат да украдат чувствителни податоци, вклучително и финансиски информации.
Спенсер Старки од „SonicWall“ предупреди на постојан развој на нови закани од сајбер-криминалците, додека Питер Арнц, истражувач во „Malwarebytes“, забележува дека алатките што ги користат се многу евтини и лесно достапни. Според истражувањата, софистицираните напади со е-пошта може да започнат од само 5 долари.
ФБИ предупреди на оваа закана уште во 2024 година, наведувајќи дека напаѓачите користеле вештачка интелигенција за да создадат лажни гласовни и видео пораки и е-пошта што овозможува измама. ФБИ ги предупреди корисниците за фишинг напади со помош на вештачка интелигенција.
За да се заштити од овој тип на измама, никогаш не кликате на линкови од непознати мејлови, а исто така се препорачува да користите менаџер за лозинки и да активирате повеќефакторска автентикација (MFA) за сите сметки.
