Македонски
Претпладне по котлините ќе има појава на магла и ниска облачност. Во текот на денот времето ќе биде променливо облачно со сончеви периоди. Долж Повардарието ќе дува слаб до умерен ветер од северен правец.
Минималната температура ќе биде во интервал од -3 до 4, а максималната ќе достигне од 5 до 14 степени.
Во Скопје претпладне ќе има појава на магла и ниска облачност, а преку денот ќе преовладува променливо облачно време со слаб северен ветер. Минималната температура ќе се спушти до 3, а максималната ќе достигне 10 степени.
Според прогнозата на УХМР, до сабота во утринските часови по одделни котлини ќе има појава на магла или ниска облачност.
Во сабота попладне, во текот на ноќта и во недела ќе има повремени врнежи од дожд. На планините, а во недела и на некои од повисоките места, врнежите ќе бидат од снег. Во недела попладне и во понеделник ќе дува засилен северен ветер, соопшти УХМР.
