Македонски
Од утре, земјава повторно ќе биде под силно влијание на жешка воздушна маса од северна Африка, што ќе донесе значителен пораст на температурите – на некои места и до 40 степени Целзиусови, предупредуваат метеоролозите.
Времето ќе биде претежно сончево, исклучително топло и сушно. Според прогнозите, УВ индексот ќе достигне многу високи вредности, што претставува сериозна закана за здравјето, особено во периодот од 10 до 17 часот.
Надлежните институции апелираат граѓаните строго да ги почитуваат стандардните препораки за заштита од топлотни бранови:
- Да се избегнува директно изложување на сонце
- Да се внесува доволно течности
- Да се носи лесна и светла облека
- Да се користи крема со заштитен фактор и да се престојува во засенчени или климатизирани простории
Особено ранливи категории се постарите лица, малите деца, хронично болните и работниците кои работат на отворено. Министерството за здравство ги повикува сите граѓани на зголемена претпазливост и грижа за своето и здравјето на своите блиски.
