Македонски
Јубилејното, 30. издание на Моден викенд Скопје кое ќе се одржи од 25 до 27 април во Diamond Residence А Class office кој е дел од проектот Diamond of Skopje ќе го одбележи слоганот „Заедницата“ („Community“), соопштија организаторот на најголемиот моден настан кај нас.
Модата отсекогаш била повќе од крој и текстура. Таа е културна изјава, средство за комуникација, рефлексија на времето. На јубилејното 30-то издание на Fashion Weekend Skopje powered by UNIBank, модата не е само изложена – таа се живее.
Оваа година, под слоганот „Community“, FWSK 30 ја става заедницата во центарот на својата визија. Ова не е модна недела што гледа само кон пистата – ова е модна недела што гледа кон луѓето. Бидејќи што е модата без оние што ја носат, што ѝ даваат значење, што ја претвораат во израз? Во време на масовна продукција и брзи трендови, FWSK 30 го поставува прашањето: Кој ја дефинира модата денес? Стилот е твој. Приказната е заедничка, велат од Моден викенд Скопје.
Оваа година, со гордост го најавуваме УНИБанка како генерален партнер, поддржувач на идејата дека модата не е само визуелен спектакл, туку културен дијалог. Со нивна поддршка, FWSK не само што ја слави модата – туку и ја редефинира.Ова не е само уште една сезона. Ова е еволуција, додава организаторот.
Се најавуваат модни ревии што раскажуваат приказни, а не само трендови. Ќе се разаговара и ќе се отвора прашањето за одржливост, културна релевантност и улогата на модата во дигиталната ера. Нјавени се визуелни инсталации и интерактивни изложби на Друштвото на ликовните уметници (ДЛУМ) што ја истражуваат тема на „Community” како форма на самоизразување. Дигитален проект – заедницата учествува во создавањето на „Community Outfits“ преку „mirror fit-check“ со креации од домашни дизајнери.
Оваа година, FWSK 30 ја прославува индивидуалноста како колективна сила. Публиката нема да бидат само љубителите на модата – ќе бидат оние што ја чувствуваат како социјален и културен феномен. Оние што знаат дека во модата стилот е личен, но промената е колективна, најавуваат од Моден викенд Скопје.
Fashion Weekend Skopje го помести почетокот на 30. издание за крај на овој месец, од 25 до 27 април, поради трагедијата што го потресе Кочани и целата јавност. Со солидарност и сочувство кон семејствата и заедницата, FWSK е со уште поголема посветеност на вредностите што ги обединуваат луѓето – културата, уметноста и заедништвото.
Главниот визуелен концепт е резултат на креативната енергија на студентите од Факултетот за графички дизајн при Меѓународниот Балкански Универзитет, кои создадоа динамична и инспиративна визуелна приказна за оваа специјална сезона.
