Македонски
Потребни состојки
• 4 крупни јајца
• 500 г цврст јогурт (или цврст јогурт / кисела павлака измешана со малку течен јогурт)
• 500 г брашно
• 1 кесичка прашок за печиво
• 1 мала лажичка сол (по вкус)
• Масло за пржење
Совет: Квалитетното брашно и цврстиот јогурт директно влијаат на мекоста
Постапка
1. Во подлабок сад изматете ги јајцата со жица-маталка додека да се изедначат.
2. Додајте го цврстиот јогурт и промешајте кратко, колку смесата да стане хомогена.
3. Посолете по вкус.
4. Просејте го брашното измешано со прашокот за печиво и постепено додајте го во смесата.
5. Мешајте со лажица додека да добиете меко и лепливо тесто, без грутчиња. Тестото не се меси и не се остава да кисне.
6. Уште на почетокот ставете масло да се загрее на умерена температура.
7. Земете супена лажица, натопете ја во врелото масло, па земете од тестото и спуштете го во маслото.
8. Пржете ги уштипците од двете страни 3–4 минути, на умерена температура, внимавајќи да не ја преполните тавата – тие значително нараснуваат.
9. Готовите уштипци вадете ги врз хартиена салветка за да се впие вишокот маснотија.
Совети за сервирање
Уштипците се одлични додека се топли, но остануваат меки и подоцна. Послужете ги со:
• сирење или кајмак
• цврст јогурт или кисело млеко
• џем, мед или чоколаден крем
Совршени се и за појадок, вечера или викенд уживање со семејството.
