Во САД почна депортација на мигранти со воени авиони

Неколку дена откако Доналд Трамп ја презеде функцијата претседател на САД, американските власти почнаа масовна депортација на мигранти кои илегално престојуваат во земјата.

Веќе се приведени 538 лица кои илегално влегле во САД, а „стотици“ се депортирани со авиони на американското воено воздухопловство, изјави портпаролката на Белата куќа, Каролин Левит.

Левит, објави фотографија од депортацијата на илегални имигранти со воени авиони и потсети на тешките последици за секој кој илегално ќе влезе во САД.

Според Левит, „сега се случува најголемата депортација во историјата“.

Американската агенција за гранична патрола го потврди апсењето на 538 лица, додавајќи дека по 373 лица се издадени налози за апсење.

Според информациите од САД, властите во Мисисипи им понудиле на „ловците на награди“ награда од илјада долари за успешното депортирање на илегален мигрант.