Македонски
Турскиот министер за надворешни работи Хакан Фидан, изјави дека Русија сè уште бара Украина да го отстапи Донбас на истокот на зенјата, кој не го контролира целосно, но е подготвена да го замрзне конфликтот на југот на земјата, долж актуелните линии на фронтот.
Руската војска држи под контрола околу една петтина од украинската територија. Тоа се регионите источен Доњецк и Луганск, кои го сочинуваат Донбас, во јужен Херсон и Запорожје, како и Крим, кои прганизираа референдуми за припојување кон Русија.
За време на разговорите во Истанбул претходно оваа година, руските преговарачи бараа Украина целосно да се повлече од овие пет региони како предуслов за завршување на конфликтот.
Според официјална Анкара, Москва, сепак, го променила својот став по неодамнешниот самит на Доналд Трамп и Владимир Путин на Алјаска.
Така, Русите „се откажаа од ова барање и остануваат на линиите на контакт, со исклучок на еден регион … Во моментов постои прелиминарен договор за враќање (отстапување на Русија) на 25 до 30 проценти (од регионот Доњецк) и одржување на линиите на контакт во Запорожје и Херсон“, рече Фидан за турскиот телевизиски канал ТГРТ Хабер.
Тој не прецизираше дали тој „прелиминарен договор“ е постигнат меѓу Москва и Вашингтон или меѓу Москва и Киев, ниту кога е постигнат. Украина досега категорично одбиваше какви било територијални отстапки.
Официјални лица, под услов на анонимност, веќе зборуваа за таа промена на ставовите на Русија.
