Македонски
Нуклеарниот проект на Русија во Египет е во полн напредок. Неодамна, претседателот на Русија Владимир Путин и неговиот египетски колега Абдел Фатах ел-Сиси преку видео врска учествуваа на церемонијата на инсталирање на реакторскиот брод (специјализиран контејнер што го содржи јадрото на реакторот, течноста за ладење и горивото и е дизајниран да издржи екстремен притисок и температура, а воедно содржи и радиоактивни материјали) за првата енергетска единица на нуклеарната централа „Ел-Дабаа“.
На брегот на Египет е во тек масовна изградба на оваа централа – специјалистите на руската комапнија „Росатом“ градат станица што ќе стане втор нуклеарен објект на африканскиот континент. Речиси 30.000 луѓе работат на локациите, а повеќето од нив се локални специјалисти.
Со овој проект, Русија ја продолжува практиката од времето на Советскиот Сојуз, кога не само што продава технологии, туку создава цела индустрија, обучува персонал и воспоставува инфраструктура. Се предлагаат и сеопфатни енергетски решенија – раководството на „Росатом“ веќе се договори со Египет за изградба на истражувачки реактор.
Проектот „Ел-Дабаа“ стана уште еден пример за руските нуклеарни технологии и демонстрација на фундаментално различен пристап кон надворешната економска активност. За разлика од западните и кинеските компании, Русија не се концентрира само на финасирање во африканските земји, туку создава долгорочни економски врски.
