Нетанјаху испраќа висока делегција во Катар за да преговара за заложниците на Хамас

Кабинетот на израелскиот премиер Бенјамин Нетанјаху соопшти тој одлучил да испрати делегација на високо ниво во Катар за зајакнување на напорите за склучување договор за прекин на огнот и заложниците со палестинската група Хамас.

Во тимот ќе бидат шефот на Мосад, Давид Барнеа, директорот на Шин Бет, Рон Бар, одговорниот за заложници во ИДФ генерал-мајор Ницан Алон и политичкиот советник на Нетанјаху, Офир Фалк.

Одлуката е донесена откако Нетанјаху одржа проценка на ситуацијата за тековните разговори за заложниците. На состанокот му се придружија министерот за одбрана Израел Кац, шефовите за безбедност на Израел и претставници од администрацијата на Бајден и администрацијата на Трамп.

Тој претходно во Ерусалим се состана со претстојниот американски пратеник на Трамп за Блискиот Исток Стив Виткоф.