Иран и Оман постигнаа прелиминарен договор за управување со Ормутскиот Теснец

Иран и Оман објавија заедничка изјава, во која објавуваат дека постигнале прелиминарен договор за управување со Ормутскиот Теснец.

Министерството за надворешни работи на Иран нагласува дека ова не значи дека теснецот ќе биде отворен. Официјален Техеран порача дека теснецот ќе остане целосно затворен сè додека не се укине поморската блокада на САД и не се почитуваат условите од Меморандумот за разбирање.

Деталите од договорот меѓу Иран и Оман сè уште не се објавени, но според прелиминарните информации, на Иран му е дадена контрола врз влезниот поморски сообраќај и правото да наметнува такси за услуги.