Македонски
Претседателот на иранскиот Парламент и главен ирански преговарач во разговорите со САД, Мохамед Багер Галибаф, изјави дека Иран нема да ја отвори Ормутската теснина додека не се исполнат седумте услови на Техеран од договорот со САД.
Неговата изјава дојде неколку дена откако Техеран го доби одговорот од Вашингтон за седумдневниот план на Иран за отворање на Ормутската теснина.
Американците, кои зборуваат едно нешто за медиумите, неодамна презентираа предлози преку посредник. Сепак, тие треба да разберат дека времето за одложување и наметнување еднострани барања е завршено“, рече Галибаф.
Тој нагласи дека ставот на Иран е јасен и категоричен.
Ормутскиот Теснец нема да биде отворен додека не се исполнат нашите седум услови наведени во Меморандумот за разбирање од Исламабад“, рече претседателот на иранскиот Парламент.
Иранскиот министер за надворешни работи, Абас Арагчи изјави дека планот предложен од Техеран за решавање на спорот со Вашингтон би можел да доведе до повторно отворање на Ормутската Теснина во рок од седум дена, доколку биде прифатен.
Тој им рече на странските амбасадори и дипломати во Техеран дека Иран јасно ги поставил своите услови за отворање на теснината, кои се поврзани со одредени обврски што САД мора да ги преземат.
