ЕУ: Не смееме да дозволиме сличен инцидент како што се случи вчера во Шпанија и во Португалија

Freepik

Портпаролката на Европската комисија, Паула Пињо, денес изјави дека ЕУ ќе ги проучи „научените лекции“ од прекините на електричната енергија во Шпанија и Португалија, со цел да се спречи сличен инцидент да се случи и на други места во Европа.

Зборувајќи на дневната прес-конференција, Пињо рече дека поради „невидениот обем“ на затемнувањето на електричната енергија на Иберискиот Полуостров, ЕУ „ќе ги извлече потребните заклучоци и ќе ги сподели, и, доколку е потребно, ќе ги преземе потребните мерки“, објави Гардијан.

Многу внимателно ги испитуваме причините, колку добро бевме подготвени и какви лекции можат да се извлечат од таков инцидент, рече таа.