Македонски
Ерупцијата на вулканот Етна повторно предизвика прекин на воздушниот сообраќај на Сицилија, поради што аеродромот „Катанија-Фонтанароса“ е затворен.
Компанијата „SAC“, која управува со аеродромот, соопшти дека воздушниот простор е затворен поради големото количество вулканска пепел во атмосферата и неповолните ветрови. Сите пристигнувања и полетувања се откажани до недела во 23:59 часот, откако првично најавената забрана до пладне била продолжена.
На патниците им е препорачано да не доаѓаат на аеродромот пред да го проверат статусот на својот лет кај авиокомпанијата.
Прекинот на сообраќајот предизвика проблеми и на другите аеродроми на Сицилија. Комизо, Палермо и Трапани се соочија со зголемен број летови поради пренасочувањата, додека илјадници патници останаа без планираниот превоз.
🔵 All’aeroporto #Fontanarossa di #Catania nuovamente sospesi i voli, fino alle 12 di oggi, per la nube di cenere vulcanica proveniente dall’#Etna. Nelle ultime ore, l’area è stata inoltre interessata da violenti nubifragi e raffiche di vento https://t.co/wk7W05InHE
— Rai Radio1 (@Radio1Rai) September 27, 2026
