Британија го претстави новиот противвоздушен систем креиран специјално за потребите на украинската војска

Велика Британија го претстави копнениот систем за воздушна одбрана со краток дострел „Грејвхок“ (Gravehawk), развиен специјално за потребите на украинските сили со финансиска поддршка од Данска.

Овој комплекс е сместен во контејнер од 20 стапки и е опремен со електро-оптички систем за детекција. Два примероци од системот веќе се испратени во Украина во септември 2024 година на тестирање во реални услови.

За годинава е планирана испорака на уште 15 единици, откако тестовите се покажале како успешни. Во овој борбен систем, советските ракети воздух-воздух со краток дострел П-73 се користат како противвоздушни ракети.

Станува збор за истите проектили кои во моментов вооружените сили на Украина ги користат во своите чамци без екипаж. Со помош на П-73, украинските беспилотни морски возила извршија неколку напади врз руски авиони-ловци и хеликоптери над Црното Море.