Македонски
Американските трупи стационирани во Порторико се подготвени да почнат операција за заземање на територија во Венецуела како дел од борбата против трговијата со дрога и во контекст на обвинувањата на американскиот претседател Доналд Трамп за неефикасна активност на властите на Венецуела против нарко-картелите, пишува „Вашингтон егзаминер“, повикувајќи се на воени аналитичари.
Според експертите, собраните воеи сили сега се доволни за да ги заземат и држат клучните стратешки објекти како што се пристаништата и аеродромите во латиноамериканската земја.
Според весникот, бројни американски воени бродови, 10-ина борбени авиони Ф-35, единица на морнаричкиот корпус со околу 2,2 илјади морнарички персонал и авиони „Хариер“, како и подморница, се стационирани покрај брегот на Венецуела.
Изданието потсетува дека според извештајот на Министерството за војна на САД од крајот на август, за време на вежбите покрај брегот на Девствените Острови, тие вежбале амфибиска операција и преземање контрола врз аеродром. Трамп, во меѓувреме, според „Хил“, му наложил на Пентагон да почне операции против нарко-картелите според воените закони.
