Ѓорѓиевски победи во сите скопски општини, само Центар за Мециновиќ

Кандидатот на коалицијата „Твоја Македонија“ предводена од ВМРО-ДПМНЕ, Орце Ѓорѓиевски, оствари убедлива победа во речиси сите скопски општини во вториот круг од локалните избори.

Според податоците на Државната изборна комисија (ДИК), Ѓорѓиевски води со значителна разлика во повеќето општини на територијата на главниот град — Аеродром, Карпош, Ѓорче Петров, Кисела Вода, Бутел, Гази Баба, Сарај и Шуто Оризари.

Единствен исклучок е Општина Центар, каде што победа бележи кандидатот на Левица, Амар Мециновиќ.

Оваа распределба ја потврдува доминацијата на ВМРО-ДПМНЕ во Скопје, со исклучок на Центар — традиционално најконкурентната и политички симболична општина во главниот град.