Николоски: Договорот со Обединетото Кралство е од историско значење за Македонија и развојот на државата

Изгласан е Законот за ратификација на Договорот меѓу Владата на Македонија и Владата на Обединетото Кралство на Велика Британија и Северна Ирска. Овој Договор е од историско значење за Македонија и развојот на државата, напиша вицепремиерот и министер за транспорт, Александар Николоски на својот фејсбук профил откако пратениците со 79 гласа ЗА го изгласаа Законот во Парламентот.

„Денес во Собранието е изгласан Законот за ратификација на договорот меѓу Владата на Македонија и Владата на Обединетото Кралство на Велика Британија и Северна Ирска.

Овој договор е од ИСТОРИСКО ЗНАЧЕЊЕ за Македонија и развојот на државата.

Со овој договор се потврдува партнерството помеѓу двете држави!

Заеднички ќе направиме огромни проекти и ќе ја направиме Македонија многу подобро место за живеење“!- напиша вицепремиерот Николоски.