Македонски
Премиерот Христијан Мицкоски во своето денешно гостување во централниот дневник на телевизија Алсат, во однос на забелешките во јавноста дека за трагедијата во дискотеката „Пулс“ во Кочани не одговараат актуелни функционери на ВМРО-ДПМНЕ, потенцира дека нема да навлегува во материјална расправа од причина што на тој начин ќе може тоа да се разбере во јавноста како влијание во истрагата и сите негови дискусиии имаат само политички тези.
– Актуелен градоначалник на градот, од редовите на ВМРО-ДПМНЕ е предмет на истрагата, мислам дека се уште е во куќен притвор. Ќе ве потсетам дека и член на актуелната влада беше во притвор, како поранешен директор на Дирекцијата за заштита и спасување и уште многумина кои се поврзуваат во минатото со ВМРО-ДПМНЕ што биле дел од ДПИ, Министерството за економија итн, рече Мицкоски, додавајќи дека од тоа што може во јавноста да го следи се повеќе од 60 лица што се опфатени од страна на истрагата од Обвинителството.
Тој се осврна на случаите со модуларната болница во Тетово, Ласкарци, Беса транс – сообраќајната несреќа што се случи пред Софија во Бугарија и посочи дека заклучокот е дека имаше нула приведени во првите часови или предмет на истрагата, затоа што тоа беше, како што рече, политички заштитени потенцијални обвинети, на сметка на она што денес го прави Обвинителството.
– Оставам на овие некрофилите кои мислам дека на оваа тема и на овие жртви за жал, млади загубени животи и на повредените ќе градат политичка кариера и политички поени. Ќе повторам дека никогаш нема материјално да коментирам, но политички имам право да коментирам, а гледате дека сите коментари се насочени кон мене, рече Мицкоски.
Прашан кои се со име и презиме кои се виновници за пожарот во мовдуларната болница во Тетово, Мицкоски дециден дека тој не може да каже затоа што тој не е ниту обвнител, ниту судија.
Во однос на тоа дали има одговорност и тој што ја изградил модуларната болница во Тетово, покрај обвинувањата за Венко Филипче, Мицкоски повтори дека никого не штити, ниту има намера некого да штити, без разлика дали станува збор за негов близок и истакна дека за секој оној за кого постои основано сомневање дека погрешил треба да сноси одговорност и тука, рече, немам никаква дилема.
– Ако јас се претворам во обвинител и во судија, нема да бидам ништо поразличен од моите претходници. Сакам да бидам поразличен и во случаи кога сум најдиректно нападнат од овие некрофили, кога на дневна основа лаги, конструкции, навреди се насочени кон мене лично. Јас молчам и никогаш не сум направил јас чекор напред, изјави премиерот Мицкоски.
Прашан за иницијативата за разрешување на јавниот обвинител Коцевски, премиерот Мицкоски потврди дека како процес е отпочнато, но и дека денешната опозиција кога ја отпочнаа таа постапката беше комплетно против дека, како што рече, правиме насилство врз обвинителството и партизираме.
– Кажав јавно дека можеби ќе трпиме политичка штета, но во услови кога се случи оној ужас во Кочани, ние е направиме чекор назад и ќе оставиме обвинителството да си ја врши својата работа и немаме намера да продолжуваме со процесот и така се однесуваме, појасни премиерот.
Тој уште еднаш потенцира дека трпи и политички навреди и кон него, и кон неговото семејство и закани и тоа се на дневна основа.
